Kōjparok jokālet ko am make

Kōtlok bwe Armej ren make kōmman bebe ko air

Jolok niñniñ. Gender-affirming care. Kālet ko an juon make kin takto.

Men kein rej men ko rebin. Ij melele.

Ikar konono ibben armij ro rej lukkun inebata. Ikar jijet ibben ro jinen im jemen im kajeoñ in kōmmane jokālet eo emman tata ñan ajiri eo nejier. Ikar roñjake kōrā ro rar aikuj in kōmman jokālet ko rebin. Im ikar etetal ibben armij ro rej tõmak ro rejjab aolep errā—ak ro rej lukkun kea kin kōmmane men eo ejimwe.

Enin unin aō tõmak bwe kien eo en jab kōmman bebe kein ñan kij .

Ij ettor ñan Congress kinke ij tõmak ilo kejbãrok anemkwoj eo an juon make —elaptata ñe ej itok ñan enbwinid make, baamle ko ad, im ejmour eo ad.

Men in ej ta eo ij tõmak:

• Abortion ej aikuj in bed wot ilo ejjelok jorrāān im ekkar ñan kien . Men kein rej pepe ko an juon make rej kōmmane jen ri nañinmij ro, taktō ro aer, im tõmak eo air—jab ri kien ro.

• Kea eo ej kalikar maan ak kōrā ej aikuj in bed ñan ro rej aikuji, elaptata jodikdik ro im baamle ko rej jerbal ibben ri jerbal ro rej liki ir.

• Im ilo jekjek kein ruo, armij ro rej aikuj kautiej, make iaer, im jibañ —jab ekajet, bōbrae, ak jook.

Kwojjab aikuj in errā ippān aolep pepe ko juon armej ej kōm̧m̧ani n̄an tōmak bwe rej aikuj anemkwoj n̄an kōm̧m̧ane. Men in ej melelen anemkwoj eo an juon make.

Ij melele etke unin kōnono kein rej kōmman an armij ro jab mõnõnõ. Rej jelet mour, kadkad, mour erreo, im melele. Ak ñe jej kōtlok bwe ri-kōmman kien ro ren kajerbal inebata eo ñan bōk jimwe ko an armij, jej kōmman jorrāān—jab kejbãrok.

Einwõt juõn pastor, Iar etetal ibben armij ro ilo jokãlet ko rebin. Iar loe aer jañ. Iar lo aer kajoor. Im ikar loe joñan an maroñ in jorrāān ñe kien eo ej kajeoñ in bōk e make ilo mõttan ko rebintata ilo mour an armij.

Ejjab tiriamo. En ej iroij.

Jejjab aikuj bar ri kien ro rej ukōt metak ko an armij ñan men ko an kien. Jej aikuj ri tel ro renaj kejbãrok anemkwoj —meñe ej bin, meñe ej juon menin aitwerõk.

Menin ej lukkun aurõk ijin ilo Arkansas, ijo kien ko an state eo rar bõprae enañin aolep abortion im bõprae an armij maroñ bõk jibañ eo ej lomoren mour. Kien kein rejjab kwalok yokwe. Rejjab kōjparok ājmour. Im rejjab liki armij ro bwe ren mour kin mour ko air make.

Elañe jej kea kin baamle ko, jej aikuj liki ir.

Elañe jej kea kin anemkwoj, jej aikuj kejbãrok e ñan aolep—jab ñan ro wõt rej lemnok, tõmak, ak mour einwõt kij.

Anemkwoj eo an juon make ejjab melelen bwe jenaaj ao kōmman jokālet ko rejimwe. Melel in ej bwe jej aikuj in kōmman jokālet kein ñan kij make.

Ejelok armij ej aikuj in kipel e bwe en bōroru ilo an jab kōnan. Ejelok ajiri ej aikuj in bōbrae kea eo taktō ro im ro jinen im jemen rej errā bwe emman tata ñan er. Ejelok armij ej aikuj in bōk e einwot juon apañ in kien kin wōt an wōn eo ej.

Rein rej armij. Rein rej baamle ko. Rein rej ro mōttam.

Jen tel kin meanwõd. Jen kejbãrok anemkwoj. Im jen kalek juon ilju jeklaj ijo kajjojo armij ewōr an maroñ ñan kōmman jokālet ko aer make—ilo kautiej, kejbãrok, im kea.